Gutegura capati
Ibikoresho ku bantu 5 :
Ifarini y’ingano 300g
Igitunguru 1 gitukura
Amavuta y ‘ubuto ml 250
Umunyu cyangwa isukali bitewe n’icyo ushaka gukoresha muri ibyo. Ufata gake ko mu kiganza,
Amazi ashyushye 1.5l
Uko bitegurwa :
Fata ifarini uyivange neza n’isukari ku rugero cyangwa mu munyu bitewe na capati ukunda,
Genda wongeramo utuzi dushyushye buhoro buhoro
Funyanga kugeza aho ibereye igikoma gitigita ariko gikomeye (abenshi bacyita pate).
Umaze kuvanga neza ushobora na none kugenda wongeramo n’amavuta (abenshi bakunze gukoresha amavuta ya buto), kugeza aho wa mutsima ukeneye usigara worohereye.
Uwo mutsima umaze kugera ku rugero wifuza, wutereke ahantu hasukuye kandi upfundikire neza n’ikintu kitawubuza guta akuka, hanyuma tegereza ko ubyimba uko ubishaka.
Umutsima umaze kubyimba neza ugenda uwukatamo udupande duto duto,ku buryo agapande kagomba kuvamo capati imwe.
Koresha ingiga y’igiti ibaje nk’umuhini w’isekuru cyangwa se icupa rifite isuku,
Noneho ka gapande ukagenda ugaha iforomo ya capati nk’uko tuyizi kugeza ku mubyimba wifuza
Uko ugenda ukaragaho ako kagiga cyangwa icupa niko wongeraho agafarini gake kugirango capati yawe idafata hasi.
Capati imaze kunoga yotse neza ku ipanu yabugenewe
Genda wongeramo utuvuta duke duke kugira ngo itaza gushirira
Genda uyihindagura impande zose kugeza ihiye.
Wirinda ko yakwinjiramo amavuta menshi.
Ushobora kuyitegura igihe ugiye gukoresha umureti w’amagi, udushyimbo, n’ibindi bifatishwa icyayi.
Byatanzwe na Amon uzobereye gutegura amafunguro ya mu gitondo.
Tel:0722294244.
Ibitekerezo byanyu
18 janvier 2015, 16:12, yanditswe na uwase Yvonne
nifuza ko mwambwira uburyo creepe Kiowa. murakoze.
20 janvier 2015, 13:55, yanditswe na Astrida
wareba uo bakora crepe hano
http://agasaro.com/spip.php?article677
29 janvier 2015, 06:11, yanditswe na olivier uwineza
ese nta musemburo ujyamo ? ndavuga levure
30 janvier 2015, 04:41, yanditswe na Astrida
oya muri capati nta musemburo ujyamo
15 février 2016, 05:31
Ukoresha amazi ashushe ?
30 avril 2016, 05:51
Murakoze ku bumenyeshe byiza muduhaye
7 mai 2016, 03:08
ko iyo uponda igufata kuntoki ?wabirwanya ute ?
15 mai 2016, 06:41, yanditswe na memis
uyiteka igihe kingana iki ?
24 mai 2016, 10:58, yanditswe na Maurice
Izo igufata ku ntoki uba wakoresheje amazi menshi.
19 juillet 2020, 19:32, yanditswe na franco carloss
Ingingo 12 isobanuye gute ? Esentiwayikaranga