Imboga zirimo romarin

Romarin ( ubwoko bwa teyi ariko yo iba ifite ibibabi birebire kurusha teyi isanzwe) ikunze gukoreshwa mu guteka inyama no mu cyayi, ariko burya romarin iba ikirungo cyiza ku mboga za courgette n’ibibiringanya ugasanga zihumura neza kurushaho.

Dore uko izo mboga zitegurwa :
Ibikoresho ku bantu 4 :

  • Agashami ka romarin
  • Courgettes 2
  • Ikibiringanya 1
  • Poivron y’icyatsi 1 ubashije no kubona poivron y’umutuku nayo wayongeraho
  • Inyanya 3
  • Igitunguru 1
  • Tungurusumu udusate 2
  • Huile d’olive ibiyiko 2
  • Umunyu na poivre

Uko bikorwa :

  1. Ronga imboga zose uzikate
  2. Shyira amavuta mu isafuriya ku ziko ushorerane na poivrons amavuta atarashyushya ukurikizeho ibibiringanya, courgette n’igitunguru ubireke iminota itanu bibanze gufata irangi ubone gusukamo inyanya
  3. Ongeramo romarin ubireke ku muriro muke cyane bimareho iminota 40
  4. Bimaze gushya ushyiramo umunyu na poivre na tungurusumu ziseye ukongera ukabirekera ku ziko bikamara iminota 10

Gracieuse Uwadata