Boulettes z’umuceri

Umuceri akenshi utekwa ku buryo busanzwe nk’ifunguro ry’ingenzi, nyamara hari n’ubundi buryo ushobora kuwutekamo boulettes kandi zikaryoha.

Dore uko wategura boulettes z’umuceri :
Ibikoresho ku bantu 4 :

  • Inyama ziseyeye garama 400
  • Umuceri garama 300
  • Igitunguru 1
  • Tungurusumu udusate 3 duseye
  • Puwaro agace k’umufungo
  • Tangawizi agasate 1 gaseye
  • Amavuta ya elayo ibiyiko 2
  • Umunyu na poivre
  • Amavuta yo kuzitekamo
  • Utuvungu tw’imigati( chapelure)

Uko bikorwa :

  1. Shyira amavuta ya elayo ku ziko hamwe n’ibitunguru na tungurusumu
  2. Ongeramo puwaro na tangawizi bimare iminota 2
  3. Sukamo inyama uvange uzireke zibanze zifate amavuta
  4. Ronga umuceri uwusuke muri izo nyama uvange
  5. Shyiramo amazi igikombe kimwe niba ufite umufa w’inyama abe ariwo ukoresha
  6. Ongeramo umunyu na poivre upfundikire ku muriro muke byumuke neza
  7. Kora utubumbe tungana na boulete ushaka
  8. Genda usigaho utuvungu tw’imigati inyuma
  9. Shyira ku ziko amavuta yo gushyiramo boulettes, namara gushya ushyiremo za boulettes wakoze zishye neza
  10. Zigabure zigishyushye

Gracieuse Uwadata