Ifi n’ibibiringanya
Ibikoresho
- Ibibiringanya 2 cyangwa se 3 biri mu rugero
- Igitunguru 1
- Poivron 2
- Inyanya 3
- Ifi yo mu bwoko bwa tilapia cyangwa se capitaine grama 600
- Tungurusumu udusate 2
- Umunyu
- Poivre
- Pili pili
- Umutobe w’indimu
- Amavuta
Uko bikorwa
- Kata ibibiringanya ubyinike mu mazi arimo umunyu
- Mu gihe ibiriringanya byinitse mu mazi, vanga tungurusumu ziseye, umunyu, poivre na pili pili, umutobe w’indimu n’amavuta
- Tunganya ifi uyikatemo ibisate binini
- Ifi yisige rwa ruvange wakoze ku mpande zose
- Kata igitunguru, poivron n’inyanya
- Mu isafuriya nini, shyushyamo amavuta ukarangemo ibibiringanya mu minota 10
- Ongeramo igitunguru bimare iminota 5
- Sukamo poivron zikase
- Poiron zitangiye gushya ongeramo inyanya uvange
- Fata bya bya bisate by’ifi ushyire hejuru ariko wirinde kubivanga
- Pfundikira ureke ku ziko bimareho iminota 30 ku muriro muke cyane
- Bigaburane n’umuceri uherekehwe ba salade y’icyatsi
Byatanzwe na Madame Marie, umutoza mu guteka