Isupu y’imboga na fromage
Yanditswe: 07-08-2015
Isupu y’imboga na fromage bakunda kwitwa “Soupe minestrone” ni isupu ikomoka mu Butaliyani iba irimo imboga z’ubwoko bwinshi butandukanye ndetse n’ibirayi. Iyi supu iba nziza iyo uyirishije macaroni cyangwa se umuceri mumutse. Iyi supu kandi ushobora no kuyibika muri frigo ukaza kuyigabura ikonje.
Dore uko wategura iyo supu :
Ibikoresho ku bantu 8
- Ibibiringanya 3
- Courgettes 3
- Inyanya 4
- Imiteja garama 400
- Ibirayi garama 400
- Karoti garama 300
- Sereli agace k’agafungo
- Garama 300 za epinard cyangwa za laitue
- Tungurusumu udusate 4
- Ibitunguru 2
- Fromage za parmesan
- Huile d’olive
- Umunyu na poivre
Uko bikorwa
- Tunganya ibikoresho byose imboga uzironge uzikate neza
- Shyushya amavuta ibiyiko 3
- Sukamo ibitunguru
- Ongeramo ibirayi bikasemo duto
- Kurikizaho izindi mboga
- Vanga umare iminota 6
- Sukamo amaze azirengeye uzireke ku ziko mu minota 45 ku muriro muke
- Sya tungurusumu uvange na fromage zirapye wongeremo n’amavuta ibiyiko 2
- Bisuke mu isupu imare iminota nk’ibiri uhite uyikura ku iziko
- Rapiraho izindi fromage hejuru
- Bigaburane n’umuceri cyangwa se macaroni
Gracieuse Uwadata