Sauce hollandaise bakunda kwita sauce béarnaise, ni isosi ikomoka mu Buholandi bakaba bayigabura ishyushye cyangwa se ikonje bitewe n’ibyo wowe ukunda.

Dore uko bategura iyo sosi n’ibikoresho bisaba :

Ibikoresho

• Umuhondo w’amagi 2 akiri mashya ( ni ukuvuga amagi atarengeje ibyumweru 2 atewe n’inkoko)
• Amavuta ya beurre garama 125
• Vinaigre cl 5
• Divayi y’umweru dl 2
• Ibitunguru 2 cyangwa se 1 kinini
• Persil
• Poivre y’imbuto
• Umunyu

Uko bikorwa

1. Yengesha amavuta ya beurre uyarekere ahuntu ari bukomeze gushyuha nk’ahantu hegereye iziko
2. Kata persil
3. Mu isafuriya imwe teranyirizamo ibitunguru, vinaigre, divayi , persil na poivre ureke bitogote ku muriro muke
4. Bimaze gutogota ho gake ubinyuza mu kayunguruzo hakavamo amazi
5. Ayo mazi yamaze guhora yavange na wa muhondo w’igi ukoroge
6. Bitereke ku ziko ukomeze uvange biraza kuba nka crème
7. Bimaze kuba nka crème urekera kuvanga ukabikuraho ukavangamo ya mavuta ya beurre washyize ku ruhande
8. Vangamo persil nshya wakase zitari za zindi watogosheje ibivange cyane
9. Iyi sauce iba nziza iyo uyigabuye iri akazuyazi, ukayigaburana n’inyama, ifi cyangwa se amagi atogosheje.

Gracieuse Uwadata