Benye zirimo imineke n’amata y’ifu

Yanditswe: 25-10-2015

Ibikoresho

  • 200 g z’ifarini na levure
  • 165 g z’amata y’ifu
  • 50g za sesame
  • 50g z’isukari
  • 60 ml z’amazi
  • imineke 4 ihiye neza

uko bikoreshwa

  • Fata imineke uyikatemo ibice bito bito uyishyire ku ishani
  • Nyanyagizaho sezame kuri ya mineke
  • Fata ifarini,amata y’ifu, isukari n’amazi ubivange byose maze ubiponde n’intoki bimere nk’umutsima
  • Canira amavuta menshi ku ikarayi ashye neza
  • Genda ufata umutsima muto uwubumbiramo imineke mikeya ukoresheje ikiyiko
  • Tegura udutsima twinshi wamaze kubumbiramo imineke
  • Tangira ushyire mu mavuta kuburyo ya mitsima irengerwa n’amavuta
  • Reba ko byahinduye ibara ugenda uhindura kugira ngo bidashirira
  • Tegereza iminota iri hagati y’icumi na cumi n’itanu biba bihiye neza
  • Bikure mu mavuta kuko biba byamaze kuba benye zihiye neza
  • Zarurire ahantu humutse
  • Biba byiza iyo ziteguwe ku meza zamaze guhora nibwo ziba ziryoshye.

MURYOHERWE

IBITEKEREZO

  • Andika hano igitekerezo cyawe