Indimu ikunze gukoreshwa mu gutegura salade cyangwa se ukba wahirya yonyine nk’urubuto rusanzwe, ariko hari n’uburyo ushobor agukoresha indimu mu gutegura inkoko, iyo nyama ikaza kuryoha kurushaho kandi ntikumerere nabi mu nda.

Dore uko wategura iryo funguro :
Ibikoresho :

• Inyama z’inkoko garama 400
• Udushami 2 twa teyi
• Indimu 3
• Ibitunguru 2
• Umunyu na poivre
• Amavuta ya elayo ibiyiko 2

Uko bikorwa

1. Fata indimu 2 uzikamuremo umutobe
2. Zishyire mu gasorori uvangemo amavuta na teyi wakuye ku gashami
3. Bisige ku nkoko ubishyire mufi frigo bimaremo iminota 30
4. Kata igitunguru
5. Cana ifuru igere ku degree z’ubushyuhe 170
6. Fata amavuta ikiyiko 1 uyashyushye mu gasafuriya ku ziko
7. Shyiramo ibitunguru ubikureho bitarashirira
8. Bishyire muri plat ijya mu ifuru urenzeho za nyama
9. Birekere mu ifuru bimaremo iminota iri hagati ya 30 n’isaha
10. Yigabure ku ruhande utakeho udupande tw’indimu wasigaje

Gracieuse Uwadata