Isosi y’inyama ziseye na karoti
Inyama ziseye zirimo karoti n’ibitunguru byinshi bigira isosi nziza ifashe kandi yuzuje intungamubiri zituruka muri karoti, sereli n’ibindi bikoresho bijya muri iyi sosi.
Dore uko wabitegura :
Ibikoresho :
- Ibitunguru 4 bikase duto
- Karoti 4 nini
- Sereli agafungo 1
- Tungurusumu udusate 4 duseye
- Sauce tomate 1
- Inyanya 4 ziseye
- Inyama ziseye garama 600
- Amavuta ya elayo ibiyiko 3
- Umufa w’inyama ibikombe 2
- Umunyu na poivre
Uko bikorwa :
- Canira amavuta ibiyiko 2 ushyiremo inyama uzikarangemo nizimara gushya uzikure ku ziko uzishyire ku ruhande
- Muri iyi safuriya wari wazikaranzemo shyiramo karoti zirapye, ibitunguru, tungurusumu n’umunyu na poivre ubonye amavuta adakora neza wakongeramo ikiyiko cy’amavuta wasigaranye
- Ongeramo inyama, sauce tomate n’inyanya.
- Sukamo umufa ucanire bibire mu minota 15
Iyi sosi iba nziza cyane iyo uyirishije spaghetti
Gracieuse Uwadata.