Sambusa zikozwe mu bundi buryo
Yanditswe: 13-01-2016
Ubusanzwe sambusa zikorwa mu buryo uba uri bukore urupapuro wakoze muri pate ushyiramo iby’imbere ukarufunga ku buryo iba ari mpande eshatu, ariko hari n’ubundi buryo wakoramo sambusa kandi bworoshye udaciye muri iyo nzira.
Ibikoresho
- Ifarini ubukombe 2
- Amavuta akomoka ku bimera ibiyiko 3
- Amazi igikombe 1
- Inyama ziseye garama 250
- Garam masala ¼ y’ikiyiko
- Igitunguru 1
- Poivron
- Umunyu
- Amavuta akomoka ku bimera ibikombe 3
Uko bikorwa
- Vanga ifarini, umunyu, amavuta ibiyiko 3 n’amazi kugeza uwo mutsima ubona ko umeze nk’uwo gukora capati
- Teka inyama mu mazi igikombe kimwe ushyiremo umunyu na garama masala na coriander igihe ubashije kuzibona
- Amazi amaze kumukamo ukaranga igitunguru na poivron ukabisukamo bikamaramo iminota 3
- Fata wa mutsima ugende ukoramo utubumbe duto
- Rambura utwo tubumbe ku meza ukoresheje icupa cyangwa se ikindi gikoresho karambuke kamere nka capati nini
- Muri buri gatsima warambuye shyiramo inyama ukurikije uko kangana wibuke ko uza gufunga
- Funga buri gasate no kuruhande uhafunge ukoresheje intoki
- Shyushya amavuta namara gushya ishyiremo twa tubumbe wakoze dushye
Gracieuse Uwadata
Ibitekerezo byanyu
15 février 2016, 08:33, yanditswe na IRIBAGIZA FLORENCE
HI,KO UMUNTU AKORESHA SEACH NTIBIKUNDE ? URUNGERO UMUNTU ASHAKA KUREBA NKUBWOKO BWA SALADE.